അരാജകവാദിയായ കാമുകന്‍റെ ആത്മഹത്യാക്കുറിപ്പ്

-
അരാജകവാദിയായ  കാമുകന്‍റെ
ആത്മഹത്യാക്കുറിപ്പില്‍
ഉപചാരങ്ങളോ
ഉപമകളോ  കാണില്ല.

ആഖ്യാനത്തിന്‍റെ
പുതിയ രസതന്ത്രമോ
ഭാഷയുടെ വ്യത്യസ്തതയോ
പുതിയ ജ്ഞാന വ്യവസ്ഥയോ
രീതിശാസ്ത്രമോ
ഉണ്ടാകാനിടയില്ല .

ഓരോ വാക്കും
ബൃഹദാഖ്യാനങ്ങള്‍
തകര്‍ന്നു വീഴുമ്പോഴുള്ള അട്ടഹാസങ്ങളിലെ
ഏറ്റവും നേര്‍ത്ത ശബ്ദമാകാം.
ആദ്യത്തെ പ്രണയാഭ്യര്‍ത്തനയിലെ
ഒരു കൂവല് പോലെ

തുടക്കവും ഒടുക്കവും
തിരിച്ചറിയപ്പെടാത്ത
സിദ്ധാന്തമോ
തത്വ ശാസ്ത്രമോ ആകാം .

എങ്കിലും
അടുത്ത ജന്മത്തെക്കുറിച്ച്
അവന്‍ എന്തെങ്കിലും പറഞ്ഞിരിക്കും.
നീ ഷാപ്പ്  മുതലാളിയും
ഞാന്‍ അതിലെ -
സ്ഥിരമിടപാടുകാരനുമായിരിക്കുമെന്ന
ജോണ്‍ അബ്രഹാമിന്‍റെ  കമന്‍റു പോലെ ......   ‍

അഭിപ്രായങ്ങള്‍

ഒരു അഭിപ്രായം പോസ്റ്റ് ചെയ്യൂ

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

ജാതി സമ്മേളനം

-
നാട്ടില്‍ വായന ശാല കളുണ്ട് സാംസ്കാരിക സംഘടന കളുണ്ട് സാംസ്കാരിക പരിപാടികളും .ഉണ്ട് രാഷ്ട്രീയ പാര്‍ട്ടികളും പാര്‍ട്ടിക്കാരും നേതാക്കളുമുണ്ട് .. രാഷ്ട്രീയ സംഘ ട്ടനവും ഉണ്ടാകാറുണ്ട് രക്തസാക്ഷി മന്ദിരവും ഉണ്ട് അനുസ്മരണവും നടക്കാറുണ്ട്.. എന്നിട്ടും ഇന്നലെ ഇവിടെ ജാതി സമ്മേളനം നടന്നു നാടുകാരെല്ലാം പോയി സാംസ്‌കാരിക പരിപാടിയില്‍ പങ്കെടുതതുപോലെ.. രാഷ്ട്രീയ ജാഥയില്‍ പങ്കെടുതതുപോലെ... രക്ത സാക്ഷികള്‍ക്ക്  മുദ്രാവാക്യം വിളിച്ചതുപോലെ ...
കൂടുതൽ‍ വായിക്കൂ

അത് മഴയല്ല

-
ഇമേജ്
കുഞ്ഞു നാളില്‍ വീടിനെയും വീടിന്‍റെ  ചുറ്റുമുള്ള കാടിനേയും മൂടി മഴ പെയ്തിരുന്നു . മഴ പെയ്തു പെയ്ത് നാണ്വാട്ടന്‍റെ  വീട് പോലും ഒഴുകി നടന്നിരുന്നു . കണ്ടു കണ്ടിരിക്കെ കാടൊഴിഞ്ഞു . നാണ്വാട്ടന്റെ വീടൊഴുകിയ പുഴയിലൂടെ മണ്ണുമാന്തി യന്ത്രം ഓടി നടക്കുന്നു . മഴയും പുഴയും  കാടും ടി.വി .സ്ക്രീനില്‍ കിടന്ന് ശ്വാസം മുട്ടി നിലവിളിക്കുമ്പോള്‍ എന്‍റെ വീടിനെയും കാടില്ലാത്ത വീട്ടു പരിസരത്തെയും മൂടി എന്തോ വരുന്നുണ്ട് .... അത് മഴയല്ല .......
കൂടുതൽ‍ വായിക്കൂ