നഷ്ടം

-
 ബുദ്ധന്‍
 നിന്‍റെ  ചോദ്യത്തിനു  നല്‍കിയ
ഉത്തരം
 മറ്റൊരു ചോദ്യമാണെങ്കില്‍
 നീ
 വീണ്ടുമൊരു
നഷ്ടത്തിന്‍റെ കണക്കു പറയും
നിന്‍റെ ഓരോ ചോദ്യവും
 ബുദ്ധന്‍റെ  ഓരോ ഉത്തരവും
 ബൗദ്ധ കഥകളിലൂടെ
 മറ്റുള്ളവരുടെ മനസ്സില്‍
 ഭാരം പേറും .
അവസാനം
 ശൂന്യമാകുന്ന
നിന്‍റെ  മനസ്സിലേക്ക്,
ഹൃദയത്തിലേക്ക്,
ശരീരത്തിലേക്ക്
ഒരു ചെറുകാറ്റുപോലും -
വീശാതെ പോകും.
 വരണ്ടുപോയ
സ്നേഹത്തെക്കുറിച്ച്
  അന്ന്‍  നീ പാടും.
പാട്ടു കേള്‍ക്കാന്‍
 ബുദ്ധന്‍
അപ്പോഴും നിന്‍റെയരികില്‍--
ഉണ്ടാകും .

അഭിപ്രായങ്ങള്‍

ഒരു അഭിപ്രായം പോസ്റ്റ് ചെയ്യൂ

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

കരഞ്ഞു തീരാനുള്ള ജന്മങ്ങളില്‍ ചിലത് .... കവിത

-
-1- ആകാശം കാറ്റില്‍ പറന്നു വരുന്ന അപ്പൂപ്പന്‍ താടിയാണ്‌ മേഘമെന്നു പറഞ്ഞവന്‍ . മഴ കാണാതെ മഴവില്ല് കാണാതെ പറന്നു പോയപ്പോള്‍ ബാക്കിവച്ച സ്വപ്നങ്ങള്‍ - പൂരിപ്പിക്കാന്‍ ഒരു അപ്പൂപ്പന്‍ താടിയും എവിടെയും പറന്നു നടന്നില്ല . -2- ഭൂമി നഗരം കത്തിയെരിയുമ്പോള്‍ വീണ വായിച്ച ചരിത്രമുണ്ട് - നമുക്ക് . മഴയില്ലാതെ വെയിലില്ലാതെ തണലോ കാറ്റോ വെളിച്ചമോയില്ലാതെ നാട് നിന്നുകത്തുമ്പോള്‍ നാം വീണയ്ക്കുപകരം കുരവയിടും . -3- പാതാളം കൂടെ വരുന്നോ - എന്നുപറഞ്ഞപ്പോള്‍ ഞാന്‍ അത്രയൊന്നും പ്രതീക്ഷിച്ചില്ല . നിന്റെ കൂടെ എല്ലാവരും ഉണ്ടെന്നറിഞ്ഞിട്ടും എനിക്കും വരാതിരിക്കാന്‍ കഴിയില്ല . വാമനനല്ല ഇന്ന് നമ്മെ - പാതാളത്തി ലേക്കയച്ചത് പാപി ചെന്നിടം പാതാളം - ഒരു പാഴ് വാക്കല്ല . -4- പിന്‍ കുറിപ്പില്‍ ദേശാടന പക്ഷികള്‍ക്ക് ദേശമില്ലാത്തതുപോലെ മുറിച്ചുമാറ്റിയ കുന്ന് കുടിച്ചു വറ്റിച്ച പുഴ തരിശാക്കിയ വയലുകള്‍ പിഴുതെറിയപ്പെട്ട വൃക്ഷങ്ങള്‍ ചാമ്പലാക്കിയ കുറ്റിക്കാടുകള്‍ ദേശാടനം ചെയ്യ...
കൂടുതൽ‍ വായിക്കൂ

അത് മഴയല്ല

-
ഇമേജ്
കുഞ്ഞു നാളില്‍ വീടിനെയും വീടിന്‍റെ  ചുറ്റുമുള്ള കാടിനേയും മൂടി മഴ പെയ്തിരുന്നു . മഴ പെയ്തു പെയ്ത് നാണ്വാട്ടന്‍റെ  വീട് പോലും ഒഴുകി നടന്നിരുന്നു . കണ്ടു കണ്ടിരിക്കെ കാടൊഴിഞ്ഞു . നാണ്വാട്ടന്റെ വീടൊഴുകിയ പുഴയിലൂടെ മണ്ണുമാന്തി യന്ത്രം ഓടി നടക്കുന്നു . മഴയും പുഴയും  കാടും ടി.വി .സ്ക്രീനില്‍ കിടന്ന് ശ്വാസം മുട്ടി നിലവിളിക്കുമ്പോള്‍ എന്‍റെ വീടിനെയും കാടില്ലാത്ത വീട്ടു പരിസരത്തെയും മൂടി എന്തോ വരുന്നുണ്ട് .... അത് മഴയല്ല .......
കൂടുതൽ‍ വായിക്കൂ

മുഖമൊഴി

-
ഇമേജ്
എവിടെയാണ് എന്റെ ഇടം? ഏതാണ് ഞാന്‍  തിരഞ്ഞെടുക്കേണ്ടത്....? നടന്നുമറഞ്ഞ വഴികളില്‍ ഞാന്‍ എന്താണ് നല്‍കിയത്..? എന്‍റെ  ഓര്‍മകള്‍ക്കുമേല്‍ ആരാണ് താഴിട്ടുപൂട്ടിയത് ...? സ്വപ്‌നങ്ങള്‍ ആര്‍ക്കാണ് പണയം വച്ചത്...? വ്യാകുല പ്പെടുത്തുന്നതും അസ്വസ്ഥപ്പെടുതുന്നതുമായ ഇത്തരം ചോദ്യങ്ങളില്‍  നിന്നാണ് ഈ ബ്ലോഗിന്റെ പിറവി .. എന്തേലും ചെയ്തില്ലെങ്കില്‍ ഉറക്കം നഷ്ടമാകുന്ന , ഒന്നും ചെയ്യാതെ നാന്നായി ഉറങ്ങുന്നവരെ പോലെ ആകാന്‍ പറ്റാത്തത് കൊണ്ട് മുമ്പ് എഴുതിയതും മറ്റുുമായി....... എഴുതി സ്വയം പബ്ലിഷ് ചെയ്തു എഴുത്തുകാരനാണെന്ന് നടിക്കാനുമല്ല .. എഴുത്തിന്റെ പോരായ്മകളെ ഗണിക്കാത്ത മാധ്യമമാണല്ലോ ബ്ലോഗ്‌. ആ ധൈര്യമാണ് ഇത് തന്നെ തിരഞ്ഞെടുത്തത്.. കുറഞ്ഞ സാങ്കേതിക തികവും ക്ഷമിക്കുക...
കൂടുതൽ‍ വായിക്കൂ