നിന്നെ ചേര്‍ത്തെഴുതിയ ജീവിതം

പറയാതെ പറഞ്ഞത് ............................. ഒരു പുഴ ഒഴുകുന്നത്‌ നിനക്കുവേണ്ടിയാണെങ്കില്‍ അത് ചെന്നെത്തുന്ന ഇടം എനിക്കുള്ളതാണ്.. അവിടുത്തെ പൂക്കള്‍ പുല്ലുകള്‍ പാറക്കെട്ടുകള്‍ മഴ തുള്ളികള്‍ മണല്‍ തരികള്‍ ഇവയൊക്കെ എന്റെതാണ്..... എരിയുന്ന ചിതയില്‍ പുണ്യാഹം തളിക്കപ്പെടുന്നതെപോഴാണ് അന്നാണ് ഞാനും നീയും ഒന്നാകുന്നത് കരയും പുഴയും ഒന്നാകുന്നത് പോലെ.......

കിളികള്‍ കൂട് വിട്ടു പോകുമ്പോള്‍ ഉപേക്ഷിക്കുന്ന തൂവലുകളിലാണ്‌ കുട്ടികള്‍ ജീവിതത്തിന്റെ  സ്വാതന്ത്ര്യത്തെ വായിക്കുന്നത്. നിന്റെ   കവിതകള്‍ ത്രാസുകളില്‍ തൂങ്ങാത്ത അളവുകളില്‍ ഒതുങ്ങാത്ത വലിയ ഭാരമാണെന്ന് വലുതാകുമ്പോള്‍ അവര്‍ പറഞ്ഞു തുടങ്ങും ........

  സ്പൈഡര്‍  മാന്‍   അമ്മ മകളോട് പറഞ്ഞത് ഇന്നലെ കണ്ട സിനിമയെക്കുറിച്ചാണ് . ചിലന്തിവലകള്‍ ചിലപ്പോള്‍ മനുഷ്യരെപ്പോലും കുടുക്കി എരിഞ്ഞെക്കാം (സ്വന്തം ഇണയെ ഭക്ഷിക്കുന്ന ജീവിയല്ലേ :) വാക്കും മനസ്സും ശരീരവും വലയിലേക്ക് വീഴാതെ ശ്രദ്ധിക്കണം പ്രത്യേകിച്ച് വിഷമുള്ള ചിലന്തികള്‍ നമ്മുക്ക് ചുറ്റും വിരിച്ചിട്ട വലകളില്‍.. ഇല്ലെങ്കില്‍ ഞാന്‍ കുടുങ്ങിയത് പോലാവും . അച്ഛന്റെ സ്ഥാനത്ത് പ്രതിഷ്ടിച്ചു വയ്ക്കാന്‍ എനിക്ക് ആയിരം ചിലന്തികളുള്ളതുപോലെ...........

നീ തിന്നാതെ കുടിക്കാതെ നമ്മള്‍ക്കുവേണ്ടി കാവലിരിക്കുന്നു..... പട്ടാളം ജനങ്ങളില്‍ അവരുടെ തീര്‍പ്പ് കല്പ്പിക്കുമ്പോള്‍ നീ ആശുപത്രി കിടക്കയിലെ വെന്റിലെട്ടരില്‍  നിന്നുപോലും നമ്മള്‍ക്കുവേണ്ടി മുദ്രാവാക്യം മുഴക്കുന്നു...... തുണി ഉരിഞ്ഞിട്ടുപോലും കന്നു തുറക്കാത്ത പട്ടാള കണ്ണുകളെ നിന്‍റെ  നോട്ടം കൊണ്ട് പൊള്ളലേല്‍പ്പിക്കുന്നു  ... ഇന്നേക്ക് പത്തു വര്‍ഷം ........മാസം .........ദിവസം അവസാനിക്കാത്ത സമരദിനങ്ങള്‍ക്ക് കലണ്ടറില്‍ പോലും ഇടമുണ്ടാവില്ല ...... തുടര്‍ന്ന്കൊണ്ടേയിരിക്കും സ്വാതന്ത്ര്യത്തിന്‍റെ പുതു വെളിച്ചം ഇവിടെ നിറയും വരെ ..... തെരുവോരങ്ങളില്‍ ചീന്തിയെറിയപ്പെടുന്ന പെണ്‍ ശബ്ദം നിലയ്ക്കും വരെ കാരണമില്ലാതെ വെടിയുണ്ടയ്ക്കിരയാകുന്ന പുരുഷ രോദനങ്ങള്‍ നിലയ്ക്കും വരെ ..... നീ നമ്മള്‍ക്കുവേണ്ടി കാവലിരിക്കുന്നത് പോലെ ലോകം നിനക്കുവേണ്ടി എന്നും കാത്തിരിക്കും നിന്‍റെ  സഹനം പകര്‍ത്തി വയ്ക്കാന്‍ ..............

ഒരാളെ മാത്രമായി പ്രണയിക്കരുത് അവളെ ഓര്‍ത്തവന്‍ തലയും കുബിട്ട് നശിചോനെപപോലെ നടക്കേണ്ടിവരും.. (എസ് .ജോസഫ്‌.) രണ്ടുപേരെ ഒരേ സമയം പ്രണയിക്കാം പക്ഷെ.. ഒരേ വഴിയിലൂടെ നടന്നുപോകുന്ന രണ്ടുപേരെ പ്രണയിക്കരുത്.. ഒരേ ക്ലാസ്സിലെ രണ്ടുപേരെ ഒരേ വിഷയം പഠിക്കുന്ന രണ്ടുപേരെ ഒരേ ബസ്സില്‍ പോകുന്ന രണ്ടു പേരെ ഒരേ പുസ്തകം വായിച്ചാ രണ്ടുപേരെ ഒരേ പോലെ ചിന്തിക്കുന്ന രണ്ടുപേരെ അങ്ങനെ അങ്ങനെ അങ്ങനെ... ഒരേ ഇടത്തില്‍ പെരുമാറുന്ന രണ്ടുപേരെ ഒരേ സമയം പ്രനയിക്കണേ പാടില്ല... ചിലപ്പോള്‍ എസ് ജോസഫ്‌ പറഞ്ഞത് പോലെ തലയും കുമ്പിട്ട് നടക്കേണ്ടി വരും ......

എനിക്ക് നിന്നോട് പറയാന്‍ പറ്റാത്തതായി ഒന്നുമില്ലെന്നാണ് ഞാന്‍ കരുതിയത്‌.. എന്‍റെ അരാജക ജീവിതത്തെ - നീ അല്ലെ ആഘോഷിച്ചത് ..... എന്‍റെ സ്വകാര്യതയെ നീ അല്ലെ പരസ്യമാകിയത്... എന്നിട്ടും... നിന്നോട് എനിയ്ക്ക് പറയാന്‍ പറ്റാത്തതായി ഒന്നേ ഉള്ളൂ ഞാന്‍ നിന്റെ കണ്മുന്നില്‍ നിന്നും മറഞ്ഞു പോകുന്നത്..

മറന്നു പോയ വാക്കുകള്‍ പരയാന്‍ മറന്നുപോയ വാക്കുകളെ എവിടെ ഞാന്‍ അന്ന്വേഷിക്കും. എന്‍റെ ഹ്രസ്വ സന്ദര്‍ശനങ്ങളുടെ ഈട് വഴികളില്‍ ഒളിഞ്ഞിരിക്കുന്നുണ്ടാവും ചിലപ്പോള്‍ കാത്തിരിപ്പിന്‍റെ വിരസതയില്‍ തിരിഞ്ഞു നടന്നിടുണ്ടാകും. വഴിയറിയാതെ പോകില്ല വരികയും.... പക്ഷെ വഴി കാണാത്ത എന്‍റെ അന്വേഷണങ്ങള്‍ക്ക് വാക്ക് മറുമൊഴി നല്‍കുകയോ മറുമൊഴി പരയുകയോയില്ല. വാക്കുകള്‍ ഓര്‍മയിലെ വഴിയില്‍ ചിതറിപ്പോയ നോവുകലാണോ.. പറയാന്‍ മറന്നുപോയ വാക്ക് ഇപ്പോള്‍ എവിടെ ഉണ്ടാകും ...